Поиск:

Постановление Министерства культуры Республики Беларусь от 16.10.2013 N 79 "Аб унясеннi змяненняў i дапаўненняў у пастанову Мiнiстэрства культуры Рэспублiкi Беларусь ад 5 сакавiка 2008 г. N 9"

На падставе пункта 9 Палажэння аб Мiнiстэрстве культуры Рэспублiкi Беларусь, зацверджанага пастановай Савета Мiнiстраў Рэспублiкi Беларусь ад 30 кастрычнiка 2001 г. N 1558 "Вопросы Министерства культуры Республики Беларусь", Мiнiстэрства культуры Рэспублiкi Беларусь ПАСТАНАЎЛЯЕ:
1. Унесцi ў пастанову Мiнiстэрства культуры Рэспублiкi Беларусь ад 5 сакавiка 2008 г. N 9 "Аб Рэспублiканскiм фестывалi фальклорнага мастацтва "Берагiня" (Национальный реестр правовых актов Республики Беларусь, 2008 г., N 83, 8/18444) наступныя змяненнi i дапаўненнi:
пастанаўляючую частку выкласцi ў наступнай рэдакцыi:
"Зацвердзiць прыкладзеную Iнструкцыю аб парадку правядзення рэспублiканскага фестывалю фальклорнага мастацтва "Берагiня".";
Палажэнне аб Рэспублiканскiм фестывалi фальклорнага мастацтва "Берагiня", зацверджанае гэтай пастановай, выкласцi ў новай рэдакцыi (дадаецца).
2. Дадзеная пастанова ўступае ў сiлу пасля яе афiцыйнага апублiкавання.

Мiнiстр
Б.У.Святлоў

УЗГОДНЕНА               УЗГОДНЕНА
Першы намеснiк          Мiнiстр адукацыi
Мiнiстра фiнансаў       Рэспублiкi Беларусь
Рэспублiкi Беларусь             С.А.Маскевiч
        У.В.Амарын      21.08.2013
20.08.2013
УЗГОДНЕНА                УЗГОДНЕНА
Старшыня                 Старшыня
Брэсцкага абласнога      Вiцебскага абласнога
выканаўчага камiтэта     выканаўчага камiтэта
        К.А.Сумар                А.М.Косiнец
12.08.2013               08.08.2013
УЗГОДНЕНА                  УЗГОДНЕНА
Старшыня                   Старшыня
Гомельскага абласнога      Гродзенскага абласнога
выканаўчага камiтэта       выканаўчага камiтэта
        У.А.Дворнiк                С.Б.Шапiра
14.08.2013                 14.08.2013
УЗГОДНЕНА                   УЗГОДНЕНА
Старшыня                    Старшыня
Магiлёўскага абласнога      Мiнскага абласнога
выканаўчага камiтэта        выканаўчага камiтэта
        П.М.Руднiк                  Б.В.Батура
16.08.2013                  19.08.2013
УЗГОДНЕНА                УЗГОДНЕНА
Старшыня                 Старшыня
Мiнскага гарадскога      Акцябрскага раённага
выканаўчага камiтэта     выканаўчага камiтэта
        М.А.Ладуцька             Г.В.Сiмановiч
13.08.2013               20.08.2013
УЗГОДНЕНА
Старшыня грамадскага
аб'яднання "Беларускi
фонд культуры"
        У.А.Гiлеп
23.09.2013

                                                      ЗАЦВЕРДЖАНА
                                                      Пастанова
                                                      Мiнiстэрства культуры
                                                      Рэспублiкi Беларусь
                                                      05.03.2008 N 9
                                                      (у рэдакцыi пастановы
                                                      Мiнiстэрства культуры
                                                      Рэспублiкi Беларусь
                                                      16.10.2013 N 79)

IНСТРУКЦЫЯ
АБ ПАРАДКУ ПРАВЯДЗЕННЯ РЭСПУБЛIКАНСКАГА ФЕСТЫВАЛЮ ФАЛЬКЛОРНАГА МАСТАЦТВА "БЕРАГIНЯ"

1. Дадзеная Iнструкцыя вызначае парадак арганiзацыi i правядзення рэспублiканскага фестывалю фальклорнага мастацтва "Берагiня" (далей - фестываль).
2. Фестываль праводзiцца Мiнiстэрствам культуры Рэспублiкi Беларусь (далей - Мiнiстэрства культуры), Мiнiстэрствам адукацыi Рэспублiкi Беларусь, Гомельскiм абласным выканаўчым камiтэтам, Акцябрскiм раённым выканаўчым камiтэтам, грамадскiм аб'яднаннем "Беларускi фонд культуры" (далей - арганiзатары фестывалю).
3. Фестываль праводзiцца ў мэтах падтрымкi народнай творчасцi i народных промыслаў (рамёстваў), захавання рэгiянальнай i мясцовай традыцыйнай мастацкай культуры, пераемнасцi нацыянальных культурных традыцый, далучэння дзяцей i моладзi да розных вiдаў фальклору, павышэння мастацкага ўзроўню i выканальнiцкага майстэрства дзiцячых i юнацкiх аўтэнтычных фальклорных i непрафесiйных (аматарскiх) калектываў мастацкай творчасцi (далей - калектывы мастацкай творчасцi), арганiзацыi культурнага адпачынку (вольнага часу) насельнiцтва.
4. Фестываль мае статус рэспублiканскага.
5. Перыядычнасць правядзення фестывалю - адзiн раз у два гады.
Iнфармацыя аб канкрэтных тэрмiнах яго правядзення размяшчаецца ў сродках масавай iнфармацыi i на афiцыйных сайтах арганiзатараў фестывалю.
6. Месцам правядзення фестывалю з'яўляюцца ўстановы культуры i адукацыi, сцэнiчныя пляцоўкi г.п. Акцябрскi i Акцябрскага раёна Гомельскай вобласцi.
7. Для забеспячэння падрыхтоўкi i правядзення фестывалю ствараецца арганiзацыйны камiтэт фестывалю (далей - аргкамiтэт), у склад якога ўваходзяць прадстаўнiкi дзяржаўных органаў (па ўзгадненнi з iх кiраўнiкамi), грамадскiх аб'яднанняў i iншых зацiкаўленых арганiзацый.
8. Аргкамiтэт:
8.1. ажыццяўляе кiраўнiцтва падрыхтоўкай i правядзеннем фестывалю, пры неабходнасцi стварае дырэкцыю фестывалю;
8.2. уносiць на разгляд Мiнiстэрства культуры прапановы па каштарысе выдаткаў на арганiзацыю i правядзенне фестывалю, колькасцi запрашальных бiлетаў на наведванне праграм фестывалю, аб вiдах заахвочвання ўдзельнiкаў фестывальных мерапрыемстваў;
8.3. разглядае i зацвярджае:
спiс удзельнiкаў фестывалю;
праграму правядзення фестывалю;
фестывальную сiмволiку, узоры ўзнагарод, iншую атрыбутыку;
план мерапрыемстваў па падрыхтоўцы i правядзеннi фестывалю;
склад журы фестывалю, якi фармiруецца з лiку вiдных дзеячаў у галiне культуры i мастацтва;
8.4. ажыццяўляе ўзаемадзеянне з зацiкаўленымi суб'ектамi культурнай дзейнасцi, iншымi арганiзацыямi па пытаннях падрыхтоўкi, правядзення фестывалю i яго асвятлення ў сродках масавай iнфармацыi;
8.5. вызначае вiды i формы iнфармацыйна-рэкламнай падтрымкi фестывалю;
8.6. вырашае iншыя пытаннi, якiя ўзнiкаюць у час падрыхтоўкi i правядзення фестывалю.
9. Праграма фестывалю можа прадугледжваць канцэртныя праграмы калектываў мастацкай творчасцi, выставы-кiрмашы вырабаў майстроў народных промыслаў (рамёстваў), семiнары, канферэнцыi, майстар-класы, конкурс калектываў мастацкай творчасцi (далей - конкурс), тэатралiзаваныя дзеяннi i iншыя мерапрыемствы, якiя не супярэчаць мэтам фестывалю.
10. У фестывалi прымаюць удзел творчыя дэлегацыi абласцей i г. Мiнска з магчымым запрашэннем замежных удзельнiкаў.
У склад творчых дэлегацый уваходзяць iх кiраўнiкi, калектывы мастацкай творчасцi i iх кiраўнiкi, выканаўцы па розных вiдах фальклорнага мастацтва (далей - асобныя выканаўцы), майстры народных промыслаў (рамёстваў), суправаджаючыя iх асобы, спецыялiсты раённых, гарадскiх, абласных метадычных цэнтраў народнай творчасцi (культурна-асветнiцкай работы) i дзяржаўнай установы адукацыi "Iнстытут культуры Беларусi". У склад творчых дэлегацый могуць уваходзiць навукоўцы, дзеячы культуры i мастацтва.
Колькасны склад творчай дэлегацыi не павiнен перавышаць 40 чалавек.
11. Узрост удзельнiкаў калектываў мастацкай творчасцi i асобных выканаўцаў, якiя прымаюць удзел у фестывалi, не павiнен перавышаць 28 гадоў па стане на 1 мая года правядзення фестывалю.
12. Для ўдзелу ў фестывалi калектывы мастацкай творчасцi i асобныя выканаўцы павiнны забяспечыць:
захаванасць у рэпертуары мясцовых традыцый у розных жанравых праявах;
наяўнасць традыцыйных народных касцюмаў, якiя павiнны ўяўляць сабой варыянты арыгiналаў або копiй традыцыйных народных касцюмаў сваёй мясцовасцi прадстаўляемага рэгiёна;
наяўнасць акампанементу ў ансамблевым або сольным выкананнi на акустычных беларускiх народных iнструментах у "жывым гучаннi";
прадстаўленне канцэртных праграм, якiя скiраваны на змястоўнае раскрыццё мастацкiх традыцый прадстаўляемага рэгiёна i ўключаюць адноўленыя i бытуючыя песнi каляндарнага (вясна, лета) перыяду, пазаабрадавыя песнi, народныя танцы (гуртавыя, парныя, сольныя), карагоды, гульнi, iнструментальную музыку, творы празаiчных жанраў i iншае.
Працягласць выступленняў у зборных канцэртных праграмах калектываў мастацкай творчасцi не павiнна перавышаць 10 хвiлiн, асобных выканаўцаў - 5 хвiлiн. Працягласць сольных канцэртных праграм не павiнна перавышаць 80 хвiлiн.
13. Для ўдзелу ў фестывалi да 1 мая года правядзення фестывалю творчыя дэлегацыi накiроўваюць заяўкi на ўдзел у фестывалi на адрас Мiнiстэрства культуры.
14. Заяўка на ўдзел у фестывалi змяшчае:
назву рэгiёна, якi прадстаўляе творчая дэлегацыя, прозвiшча, уласнае iмя, iмя па бацьку (пры яго наяўнасцi) кiраўнiка творчай дэлегацыi, яго кантактны нумар тэлефона i адрас электроннай пошты;
колькасны склад i поўны спiс удзельнiкаў творчай дэлегацыi (указваюцца прозвiшча, уласнае iмя, iмя па бацьку (пры яго наяўнасцi) кiраўнiка калектыву мастацкай творчасцi, удзельнiкаў калектыву мастацкай творчасцi, суправаджаючых асоб, iншых удзельнiкаў творчай дэлегацыi);
поўную назву калектыву мастацкай творчасцi;
iнфармацыю аб творчай дзейнасцi калектыву мастацкай творчасцi i яго кiраўнiка;
не менш за два фотаздымкi калектыву мастацкай творчасцi ў сцэнiчных касцюмах;
поўны спiс твораў канцэртнай праграмы калектыву мастацкай творчасцi (з указаннем поўнай назвы кожнага твора, яго аўтараў i часу гучання).
15. Згода на ўдзел у фестывалi пацвярджаецца афiцыйным запрашэннем аргкамiтэта да ўдзелу творчай дэлегацыi ў фестывалi.
16. Удзельнiкi творчых дэлегацый прымаюць удзел ва ўсiх мерапрыемствах фестывалю.
17. Заяўкi на ўдзел у конкурсе дасылаюцца творчымi дэлегацыямi адначасова з заяўкамi на ўдзел у фестывалi.
Заяўка на ўдзел у конкурсе змяшчае:
поўны спiс твораў конкурснай праграмы (з указаннем поўнай назвы кожнага твора, яго аўтараў i часу гучання);
аўдыязапiсы i вiдэазапiсы выконваемых конкурсных твораў на лiчбавых носьбiтах.
18. Конкурс праводзiцца па намiнацыях:
песенны фальклор;
музычна-iнструментальны фальклор;
танцавальны фальклор;
вусна-паэтычны фальклор;
народныя промыслы (рамёствы);
традыцыйны народны касцюм;
дуэт побытавых танцаў.
19. Конкурснае выступленне ацэньвае журы.
20. Крытэрыямi ацэнкi конкурснага выступлення з'яўляюцца:
выканальнiцкае майстэрства;
сцэнiчная культура;
раскрыццё музычна-вобразнага зместу выконваемых твораў;
адпаведнасць выконваемых твораў узросту выканаўцаў;
арыгiнальнасць i захаванне традыцый фальклорнага мастацтва;
жанравая разнастайнасць;
захаванасць мясцовага мастацкага стылю (твораў, традыцыйных народных касцюмаў, арыгiнальных музычных iнструментаў) прадстаўляемага рэгiёна;
здольнасць да iмправiзацыi.
21. Вынiкi конкурсу аб'яўляюцца ў апошнi дзень правядзення фестывалю ва ўрачыстых абставiнах падчас узнагароджвання ўдзельнiкаў фестывалю.
22. Пры правядзеннi конкурсу яго пераможцы ўзнагароджваюцца дыпломамi лаўрэатаў конкурсу першай, другой i трэцяй ступенi па кожнай намiнацыi i каштоўнымi прызамi за перамогу ў конкурсе.
Набыццё каштоўных прызоў ажыццяўляецца за кошт сродкаў арганiзатараў фестывалю ў адпаведнасцi з заканадаўствам.
Кошт аднаго каштоўнага прыза не павiнен перавышаць для лаўрэатаў:
першай ступенi - 40 базавых велiчынь;
другой ступенi - 30 базавых велiчынь;
трэцяй ступенi - 20 базавых велiчынь.
23. Размеркаванне дыпломаў лаўрэатаў конкурсу першай, другой i трэцяй ступенi па намiнацыях i каштоўных прызоў за перамогу ў конкурсе пацвярджаецца пратаколам пасяджэння аргкамiтэта i журы фестывалю.
24. Фiнансаванне падрыхтоўкi i правядзення фестывалю ажыццяўляецца за кошт сродкаў рэспублiканскага i мясцовых бюджэтаў у межах сродкаў, прадугледжаных дзяржаўным органам на правядзенне цэнтралiзаваных мерапрыемстваў, а таксама iншых крынiц, не забароненых заканадаўствам.